Ég get svo svarið það.......... mér líður eins og svakalega ábyggilegri húsmóður í austurbænum!!! Sem er búin að fara í gegnum öll 5 stig húsmæðraskólans og búin að útskrifast með miklum sóma!!!!

Ég að fara að gefa uppskriftir!!!! Aldrei vitað annað eins!!!!

En hér kemur hún........... ykkur til mikillar gleða:

Fyrirfram aðvörun, það eru undarleg málin í þessari uppskrift, ég reyni nú oftast að halda mig við þau, en verð að játa að oft slumpa ég bara á þetta!!!!

Hnetu og súkkulaðibitakökur a´la Linda;

190 gr smjörlíki
170 gr sykur
170 gr púðursykur
2 egg
340 gr hveiti
1tsk salt (það er semsagt henni sem er sleppt þegar maður notar salthnetur!!!)
1 tsk matarsódi
100 gr hnetur
1 1/2 (150 gr) suðusúkkulaði.

Hrærið öllu nema hnetunum og súkkulaðinu, vel og vandlega saman.
Allar ábyggilegar húsmæður byrja á að þeyta smjörlíki og sykur, bæta því næst eggjunum í (gott ef þau eru við stofuhita) og að lokum hveitinu og matarsódanum. Nei elskurnar mínar........ bara slumpa þessu í ....... það geri ég!!!

Hneturnar og súkkulaðið saxað - ég saxa þetta alltaf stórt, því ég er svo löt að ég nenni ekki að eyða tíma í að saxa hnetur og súkkulaði, svo er það bara miklu betra í kökunum!!!!

Svo er þessu skellt á plötu - með teskeið - með millibili því þær renna út og verða alveg flatar!!! ........og svaka góðar!!! Þær eru linar þegar þær koma úr ofninum en um leið og þær kólna verða þær stökkar og góðar!

Hitinn??? Svona 175°c - þangað til þær eru tilbúnar!!!!!

Borðaðar stanslaust fram að jólum........ og ekkert auðveldara en henda í eina uppskrift í viðbót!!!!

Njótið vel og lengi.......

.................. ég er farin að þvo, pakka, versla, fara í jarðaför og þrífa!!!!