Þegar tíminn líður virðast minningarnar breytast.

Þess vegna getur maður verið svo óendanlega þakklátur fyrir myndir!

Ég var að skoða myndir um daginn........... myndir af okkur hjónunum......... myndir sem voru teknar af okkur í Osló í apríl 2007........... og myndir sem voru teknar af okkur í október 2007!!!

Það er eins og í lygasögu að það skuli ekki vera nema hálft ár á milli þess að þessar myndir voru teknar.

Ég veit að þetta hljómar kannski fáránlega en .......... mér finnst gott að skoða myndirnar sem voru teknar í október ..... eða kannski ekki gott......... frekar svona kall aftur til veruleikans gott.

Sko.............

Myndirnar sem ég sé svona dags daglega af mínum heittelllllllskaða manni eru myndirnar sem hanga á veggjunum hérna á heimilinu. Brúðarmyndir, myndir af okkur öllum í fjölskyldunni búin að troða okkur í myndavélakassa, myndir frá því við giftum okkur aftur, myndir frá Búlgaríu........ já svona eins og á öllum öðrum venjulegum heimilum.

Á þessum myndum er maðurinn minn bara eins og hann átti að sér......... flottur myndarlegur maður.

Þannig að veruleikinn verður að það er gott/vont að horfa á myndirnar af honum og muna hann svona, oftar en ekki brosandi, með einhver hnyttin tilsvör á vörum og hlæjandi sínum einstaka hrossahlátri. Þá finn ég fyrir því hvað mér þykir að ég hafi verið svikin um mikið og hvað ég sakna þess hrikalega mikið að hafa hann ekki hjá mér! ....... en er jafnframt alveg óendanlega þakklát fyrir öll þessi ár sem við áttum saman og lesa má á úr myndunum!!!!

Myndirnar sem voru teknar í október .............. á þeim sést hvað hann er orðinn svakalega veikur....... venjulegar fjölskyldumyndir teknar í fjölskylduboðum ..........

Ég veit að maður tekur oftast bara myndir þegar eitthvað skemmtilegt er að gerast...... eins og afmælum, þegar börnin gera eitthvað skemmtilegt, brúðkaupum, fermingum, partýum, skemmtilegum "kodak" moment atriðum........ já svona skemmtilegar myndir........

......... en ég tók myndir þegar maðurinn minn var kominn upp á Líknardeild........ ekki til að setja þær í fjölskyldualbúmið, ekki til að setja þær upp á vegg......... heldur bara svona fyrir mig........ og krakkana líka...... það gerir mér auðveldara að lifa með því að hann er farinn frá mér, því að þeim myndum sést hvað hann var orðinn svo svakalega langt leiddur ............ ofsalega veikur ......... þá verð ég eins furðulega og það hljómar einhvernveginn "sáttari"!!!!

Er ennþá dáldið svekkt yfir að það skyldu ekki vera teknar neinar myndir í jarðarförinni........ hefði viljað það ........ bara fyrir mig!!!!

Ég sá svo mynd af Ásanum mínum hjá vini mínum fyrir stuttu síðan ....... bara svona ósköp venjulega mynd tekna af engu tilefni ........ fyrir mörgum árum........ það var svona gott/vont að sjá hana!!!

Ég var ofsalega glöð yfir að sjá hann, góð mynd af honum ........... en á sama tíma alveg óendanlega sorgmædd yfir að geta ekki hitt hann meira........ að hann væri ekki lengur til staðar í mínu lífi!!!!

...... það var vont!!!!

Mér finnst athyglisvert að fólk sem ekki þekkir mig neitt, geti haft skoðun á því hvernig ég er og dæmt mig eftir að hafa lesið einungis eina færslu sem ég hef skrifað!!!

Mér finnst athyglisvert að fólk geti æst sig yfir þessari framkomu minni, en finnst ekki í lagi að ég hafi æst mig yfir verulega undarlegum viðskiptaháttum!!!!

........ þetta er örugglega besti ísskápur sem nokkru sinni hefur verið keyptur í MAX raftækjum, sem veittu alveg stórgóða, fagmannlega þjónustu á endanum!!!!

Hér með lýkur sögunni af Ísskápssögunni endalausu!!!!

Ég var gjörsamlega orðlaus!!! ............ algerlega kjaftstopp........... stóð opinmynnt og horfði á símann .......... ætlaði bara ekki að trúa þessu........ gat það verið að VERSLUNARSTJÓRINN sjálfur hafi skellt á mig????

Mín fyrstu viðbrögð voru að hringja til baka í verslunina ......... og segja verslunarstjóranum til syndanna!!!!

En þar sem ég er nú orðin eldri en tvævetur, hefði eflaust gert það fyrir einhverjum árum síðan ...... þá vissi ég að það myndi ekki hafa neitt uppá sig!!! ....... ég var alltof reið og mér ALLTOF mikið misboðið til að það gæti leitt til neins ....... allavega ekki til góðs!!!!

Gerði ég mér fulla grein fyrir því að þetta var nánast það eina sem blessaður verslunarstjórinn gat gert í stöðunni........ ég var STJÖRNUVITLAUS!!!!! ...... engin leið að tjónka við mig þegar þarna var komið sögu!!!! Ég veit að ég var komin út fyrir öll velsæmismörk........ var farin að haga mér eins og krakki í sandkassa þar sem hann fær ekki gulu skófluna sem hann telur sína eign!!!! Grenjaði nánast af reiði, frekju, yfirgangi, ókurteisi og óhemjugangi!!! ........ ég hefði örugglega líka skellt á mig ef ég hefði verið í sporum verslunarstjórans!!!!

Um það bil 15 mínútum eftir að verslunarstjórinn skellti svona snyrtilega á mig, fékk ég sms!!!

"Skapurinn fannst i kauptuni, verdur sendur til thin a eftir."

Ég gat ekki annað en hlegið, enda farið að renna reiðin ........ dísús ........ senda manni sms!!! Að sjálfsögðu hafa þeir ekki undir neinum kringumstæðum þorað að hringja í mig!!!! Enda bandbrjáluð konan!!!!!

Ég beið spennt........ ísskápurinn minn var á leiðinni!!!!

Bílstjórinn hringdi...... hann hafði auðheyranlega heyrt af óhemjuganginum í frúnni....... allavega sagði hann að ég væri konan sem væri búin að gera allt vitlaust!!!!! ...... hann sagði að ísskápurinn minn væri á leiðinni til mín og væri væntanlegur innan hálftíma!!!

Aðstoðarbílstjórinn hringdi........ hann fann ekki inngagninn hjá mér!!! ......... skrítið........ hann var við rétt húsnúmer í vitlausri götu!!!!! ........ átti ég hreinlega ekkert að fá þennan blessaða ísskáp??? ........ hvað var í gangi????

Ísskápurinn MINN komst loksins á leiðarenda........ og alla leið inn á eldhúsgólf....... þar var hann settur niður við hliðina á hinum ísskápnum sem ég hafði kippt útúr innréttingunni eftir að ég fékk sms-ið!!!!

Ég var svo glöð........ svo ánægð........ svo hamingjusöm!!!!!

Ég byrjaði í snatri að taka umbúðirnar utan af nýja fína ísskápnum mínum!!!

Þá kemur í ljós ........... þessi svaka flotta, stóra skella í lakkinu ........ alveg inn í járn!!!! ....... og reyndar tvær aðrar mun minni aðeins neðar!!!!! Það var greinilegt af plastinu sem var utan um ísskápinn að hann hafði lent í hnjaski........ hvar veit ég ekki...... en það vantaði allavega stórt stykki í lakkið!!!!

Ef þessi rispa hefði nú kannski verið á hliðinni........ þá hefði ég bara haldið kjafti....... langaði ekkert sérlega mikið að hringja í MAX raftæki aftur!!!! En skellan var eins beint framan á hurðinni eins og hægt var!!!! Þetta er alveg ótrúlegt!!!! Ég hringdi í snatri í bílstjórann til að hann gæti séð þetta með eigin augum svo það færi ekkert á milli mála að ísskápurinn hefði komið svona til mín!!!!

Nú NEYDDIST ég til að hringja í MAX raftæki næsta dag!!!

Var ég komin á það að ég yrði líklegast bara að sætta mig við það að ég yrði að finna mér nýjan ísskáp einhversstaðar annarsstaðar ...... fá þennan endurgreiddan ........ það var allavega ekki hægt að tjónka neitt við verslunarstjórann........ og sýningareintakið ætlaði ég ekki að fá... þrátt fyrir 10 DVD spólurnar!!!!! Þeir gætu þá bara komið og náð í ísskápinn........
Hringdi í MAX og fékk að tala við rekstrarstjóra fyrirtækisins......... ætlaði sko ekki að tala við verslunarstjórann ...... hann hafði auðsjáanlega ekkert að segja í þessu fyrirtæki!!!

Loksins kom maður í símann hjá fyrirtækinu sem vissi að það sem á undan var gengið voru ekki alveg eðlilegir viðskiptahættir. Hann harmaði það að lagerstjórinn og verslunarstjórinn skildu ekki hafa talað við hann deginum áður!!!! Ég talaði við hann í smá stund, sagði honum mína hlið á málinu, sagði honum að mér þættu þetta undarlegir viðskiptahættir, sagði honum undan og ofan af samskiptum mínum og stjóranna tveggja!!!!

Hann tók fagmannlega á þessu. Sagðist finna lausn á málinu sem við gætum bæði sætt okkur við og láta annan mann hringja í mig til að klára málið!!!!

Það hringdi maður úr Kauptúninu. Bauð mér sýningareintakið sem hann var með ....... bíddu nú voru sýningareintökin allt í einu orðin tvö!!!!! ......... og 10.000.- króna afslátt af því!!!! Nú erum við að tala saman..... ÞETTA eru eðlilegir viðskiptahættir!!!!
Í millitíðinni kom reyndar upp sú hugmynd að það væri kannski bara hægt að skipta um hurð á mínum ísskáp...... þá fengi ég bara hálft sýningareintak!!!! Það var eitthvað flóknara í framkvæmd.... tæki jafnvel nokkra daga ........ en ef það væri það sem ég vildi..... þá gerðu þeir það að sjálfsögðu fyrir mig....... ef ég væri viss um að ég vildi ekki sýningareintakið!!! ....... ég hugsaði stíft........ vildi ekki eintakið í Holtagörðum ..... en hafði ekki séð þetta í Kauptúninu. Ákvað svo að ég myndi kíkja í Kauptúnið og ákveða mig þar á eftir!!!

Áður en ég komst í Kauptúnið til að kíkja á sýningareintakið þar þá hringdi síminn!!! Það var bílstjórinn!!! Hann hafði fundið ísskáp inni á lager í Holtagörðunum sem var í umbúðunum ennþá, hvort ég vildi ekki bara fá þann ísskáp!!!!

HALLÓ!!!!! HVAÐ ER Í GANGI!!!! Ísskáparnir allt í einu orðnir 4!!!! ...... sem daginn áður var bara eitt sýningareintak sem ég vildi ekki!!!! ....... nei hinir skáparnir voru ekki inni í kerfinu, bla bla bla!!!! ....... ég þáði að sjálfsögðu þetta góða boð bílstjórans!!!!

Nú á ég glænýjan flottan ísskáp sem kælir smjörið þannig að það er næstum ekki hægt að smyrja því og kókið verður að ískrapi......... alveg dásamlegt!!!!

............ hvað ég hef sögu til að segja frá!!!!

Þar sem ekki sér fyrir endan á sögunni ennþá ........... þá ætla ég að sjá hvernig málin þróast, áður en ég segi þessa ótrúlegu sögu.......

Það er bara hægt að láta sér hlakka til!!!!!

Þetta er sagan af ísskápsmálinu endalausa!!!!

....... eins og staðan er akkúrat núna........ þá er ég með tvo ísskápa standandi inni á eldhúsgólfi hjá mér........ einn gamall í sambandi........ annar nýr í umbúðunum......... er þetta búið að vera svona ástandið í eldhúsinu frá því í gær!!!!

Blóðþrýstingurinn hefur ekki farið hærra upp í áraraðir en hann gerði í gær hjá mér!!!!

Ég hef ekki orðið svona reið ......... ja ég man ekki hvenær ég varð svona reið síðast......... svo langt er síðan!!!!

Ég hlakka til að skrifa þessa sögu......... um leið og það er kominn endir á hana!!!!