Þekki fólk sem lifir eftir stjörnuspánni sinni. Ég geri það nú ekki, en finnst alltaf jafn gaman að því að lesa hana. ...... og stundum finnst mér nú eins og einhver skrifi hana sérstakelga fyrir mig!!!!

Stjörnuspá gærdagsins:

Hrútur: Kláraðu það sem þú hefur frestað, þannig færð þú svigrúm til þess að hleypa meiri spennu í líf þitt - ástríðu jafnvel. Vanmettu aldrei heilunarmátt hlátursins.

Er þetta spurningin um að fara að taka til í þessum skápum, skúffum og geymslum??? Hef fullan hug á því að hlæja meira!!!

Stjörnuspá dagsins í dag:

Hrútur: Allt hefur sinn stað og stund og nú þarftu ekki annað en grípa tækifærið þegar það gefst. Einbeittu þér því að sjálfum þér um sinn. 

NÁKVÆMLEGA!!!! Ætla að sleppa því að taka til og grípa öll tækifæri sem mér berast til að komast undan því!!! Held að ég geti ekki verið meira upptekin af sjálfri mér en ég er nú þegar !!!!

........eða hvað???? 

Hvað er þetta með þetta veður???

Mér finnst algerlega svindl að það skuli vera októberveður í sumarfríinu mínu!!!!

Einkadóttirin sagði við mig í gærmorgun: "vá mamma, þetta er í fyrsta skipti sem ég fer í sokka síðan ég hætti í skólanum!" ...... ég veit að það sparar sokkaslit og ég þarf ekki að kaupa eins mikið af sokkum ....... en ég meina KOMMON!!!!

Panta hér með hlýrra veður og kannski sól...... það má alveg rigna, en bara á næturnar og í miðri viku!!!!

Einkasonurinn fer á morgun til útlanda nr. 1.
Ég er með kvíðahnút í maganum.
En mér skilst að það sé eðlilegt....... mömmur eigi að hafa það ........

..... en hann fær vonandi sumarveður!!!! 

Einkennilegt hvað sumu fólki virðist liggja meira á í lífinu en öðru fólki.
Einkennilegt hvað sumt fólk getur verið með mikinn yfirgang og frekju.
Einkennilegt hvað sumt fólk er upptekið af sér og sínu lífi og tekur ekki tillit til annarra í kringum sig.

Lenti í alveg einkennilegu áðan.

Ég brá mér á bensínstöð, vissulega af því að bíllinn minn var jú farinn að krefjast meira eldsneytis til þess að geta haldið áfram að bera mig á milli staða.

Ég dældi gullvökvanum á fákinn og snaraðist svo léttfætt inn til að greiða fyrir áfyllinguna.

Ég skiptist á nokkrum orðum við afgreiðslumanninn þegar röðin kom að mér og að því loknu snaraðist ég út í bílinn minn, sem var tilbúinn til aksturs.

Fyrir aftan mig hafði lagt eitt stk. hvítur, upphækkaður jeppi með þakbox og fínerý. Reglulega flottur jeppi. Ég hugsaði með mér:"flottur jeppi, ekta bíll til að fara í hálendisferðir á. Ætli þetta séu útlendingar? Örugglega Frakkar". Ég leit ekki á númeraplötuna en brosti til franska bílstjórans með viðurkenningu í augunum yfir flotta jeppanum hans og ekki laust við smá öfund yfir því að hann væri á ferðalagi og það um hálendi Íslands.

Ég vippaði mér inn í bíl og í því sem ég er að setja á mig öryggisbeltið er flautað!!!
Jú jú það var Frakkinn fyrir aftan mig. Að sjálfsögðu þurfti hann að tala við mig. Gleymdi ég einhverju? Missti ég eitthvað?
Ég hætti við öryggisbeltaásetninguna og opnaði hurðina snéri mér aftur og horfði á Frakkann með spurningarsvip. 

"Drullaðu þér í burtu þarna! Við erum búnir að bíða hérna í 10 mínútur!" 

Þetta var sagt á mínu ástkæra ylhýra móðurmáli, eða réttara sagt öskrað á mig! Reyndar ekki fallegi Frakkinn sem sat við stýrið, heldur farþeginn hans sem var búinn að rífa upp hurðina hjá sér og stóð og steitti hnefann framan í mig. 

Mér brá verulega, á þessu átti ég alls ekki von á!

Ég svaraði honum:"Róaðu þig maður!"
Svarið sem ég fékk öskrað á mig var eitthvað á þessa leið:"Róa mig, ég er bara ekkert æstur. Já koma sér í burtu þarna. Við höfum ekki allan daginn!"
Ég svaraði:"Góði farðu þá bara á aðra dælu!" 

Ég ákvað að láta staðar numið þar sem ég var ekki ein á ferðinni, með börnin í bílnum og þorði hreinlega ekki að taka sénsinn á því að ef ég gerði ekki eins og maðurinn krafðist og það sem fyrst, myndi hann örugglega bara berja mig. Eða það var í það minnsta mín tilfinning.

Ég keyrði útaf bensínstöðinni alveg miður mín. Skammaðist mín fyrir samlanda minn sem hagaði sér svona fyrir framan Frakkann.
Skammaðist mín fyrir að einhver gæti komið svona fram við aðra, ég hélt í alvörunni að þetta væri bara í bíómyndunum sem svonalagað gerðist.

Eftir á að hyggja þá held ég alveg örugglega að Frakkinn hafi hreinlega ekki verið Frakki, heldur bara líka óþolinmóður íslenskur karlmaður eins og ferðafélagi hans. Kannski með aðeins minna af testesteróni á ferð og flugi um líkamann!

........ eða var hann kannski á einhverju öðru ..... miðað við tryllingslegt augnaráðið, munnsöfnuðinn og froðufellingarnar ...... þá kemur það vel til greina!!!

Hugsa í bloggfærslum og FB stadusum núna. - er það eðlilegt?

Dagur tvö punktur.

Búin að fara í ræktina. Ásamt mér voru hinir frægu Íslendingarnir eins og Einar Bárðar, Ívar Hauks og æi hvað heitir hún nú aftur ... eitthvað Lind ..... Helga Lind?? ... eða Inga Lind??? æi man það ekki ..... en þetta var bara huggulegt hjá okkur ..... það hafa eflaust verið fleiri frægir sem ég þekki ekki enda er þetta sko stöð fræga og flotta fólksins!!! Þessvegna æfi ég þarna og hvergi annarsstaðar!!!! Maður fellur svo vel í fjöldann!!!

Búin að setja í eina þvottavél og á leiðinni að setja í aðra ...... svo verða framin skil á klósettpappír til þeirra sem voru svo elskulegir að versla slíkan varning af einkasyninum.

Þar á eftir verður farið í verslunarleiðangur til að kaupa lopa í ekta íslenska lopapeysu handa einkasyninum, svo hann geti verið dáldið töff þegar það kemur haust og hann þarf að fara að klæðast yfirhöfnum af einhverju viti ....... og svo líka svona svo ég hafi eitthvað að gera fyrir framan sjónvarpið ...... er ekki alveg að höndla það að sitja bara og gera ekki neitt .... finnst tíma mínum varið til einskins ...... ég meina það eru nú einusinni takmörk fyrir því hversu oft er hægt að naglalakka sig, eða hvað???

Eftir þetta verður einkadóttirin sótt á námskeiðið og þegar heim er komið verður hafist handa við eitthvað ofur skemmtilegt ....... því við erum jú í fríi ... ehehehehe ....... þá á ALLTAF að gera bara eitthvað svakalega skemmtilegt!!!!

Þangað til næst;

Góðar stundir.

 

Er ekki alveg að skilja þetta vefumsjónarkerfi hérna þessa dagana!!! Mér er algerlega fyrirmunað að reyna að breyta stafagerðinni og fá stafina til að vera stærri ..... nema með einhverjum þvílíkum útúrsnúningum og látum ...... er sko ekki að nennessu!!!!

Dagur eitt í sumarfríi á morgun/dag!!!!

Plan dagsins:

* fara í ræktina
* taka til einhversstaðar
* setja í eins og eina þvottavél
* njóta þess að vera til

Uppáhalds maturinn í matinn þrjá daga í röð .... hvernig er hægt að vera svona heppin???